主页 > D漫生活 >【便利店饿底】想食鲜竹卷?依家任何时候都歎到 7 >

【便利店饿底】想食鲜竹卷?依家任何时候都歎到 7

2020-06-12 来源:D漫生活
(Present by 7-Eleven)

中式点心嚟讲,虽然烧卖同虾饺相对受欢迎,不过讲到锺意食鲜竹卷嘅捧场客都唔少,贪佢清清地得嚟又唔会太寡,特别係外层嘅腐皮,口感软绵绵,又有阵阵豆香,加埋裏面Juicy嘅馅料,一啖咬落去,即刻感受到多重滋味沖击味蕾。所以话,识食就一定食鲜竹卷!

不过香港人咁繁忙,饮餐茶都赶头赶命咁,想舒舒服服叹个点心?咁不妨试吓7-Eleven嘅自家品牌7-SIGNATURE新推出嘅鲜竹卷,事关佢係百份百人手製造,味道同卖相一啲都唔差,而且最紧要係够晒方便!只须用家用微波炉叮40秒就食得,如果用7-Eleven专用嘅微波炉,只需按2,叮20秒就食得啦,无论係屋企定夜晚饿饿地去便利店都一样好快手就可以食到!

【便利店饿底】想食鲜竹卷?依家任何时候都歎到 7

打开包装,一盒有三条鲜竹卷,鲜竹卷用密封袋牢牢包好,够晒安全卫生,唔怕一打开啲汁就飞到周围都係,咁简单嘅细节,已经睇得出用过心思。

【便利店饿底】想食鲜竹卷?依家任何时候都歎到 7

鲜竹卷叮完之后,卖相都几有惊喜,因为佢唔似其他叮叮食物一样,叮完出嚟之后又燶又乾噌噌,而且仲见到少少蚝油汁keep住喺豆腐皮到,放喺只碟到,唔讲仲以为係酒楼出品嘅鲜竹卷,几可乱真。

【便利店饿底】想食鲜竹卷?依家任何时候都歎到 7

味道方面亦一啲都唔输蚀。叮叮鲜竹卷不但有丰富嘅猪肉同蔬菜嘅馅料,外层嘅腐皮都一样足料,粗略估计都有10层,咬落都感受到层次十足,而且馅料都非常入味,口感爽脆弹牙,裏面有猪肉、红萝蔔、木耳等等多种配料,真係估唔到便利店叮叮点心都可以做得咁精緻!

【便利店饿底】想食鲜竹卷?依家任何时候都歎到 7

售点:全线7-Eleven

售价:$16

【便利店饿底】便利店烧卖大比拼 自家制虾肉烧卖有惊喜

根据非正式统计,烧卖绝对係香港人最锺意食嘅点心之一!虽然烧卖都分好多种,除咗地道嘅猪肉烧卖,仲有草根啲鱼肉烧卖,而今次我哋就试吓最方便快捷嘅叮叮虾肉烧卖,贪佢肉爽又够鲜味。所以我哋就去便利店买咗三款常见叮叮虾肉烧卖,由份量、卖相、味道、口感逐一评分,睇吓边一款最好?

Round 1 : 外观比拼

【便利店饿底】想食鲜竹卷?依家任何时候都歎到 7

先嚟睇吓呢一款经常喺便利店都见到嘅烧卖A,一包有10粒,的确係三者之中份量最多,平均价钱都係最平,不过外型就相当细粒,而且卖相都好求其,烧卖皮随意咁包住啲馅料,睇落似鱼肉烧卖多啲,提唔起食慾。

【便利店饿底】想食鲜竹卷?依家任何时候都歎到 7

呢款烧卖B,一打开就有6粒,比平时酒楼食嗰啲一盅四件,份量多少少,而最重要就係,烧卖喺香港製造。睇返成份,材料都相当丰富,叮完闻到有虾肉香味,唔知味道会唔会令人有所惊喜呢?

【便利店饿底】想食鲜竹卷?依家任何时候都歎到 7

而呢款烧卖C,份量係三者之中最少,得4粒咁多,而且平均价钱都係最贵。至于卖相都好正常,油味略重,肉眼观察馅料睇落都算多嘅,唔知叮完出嚟会係点架呢?

 

Round 2: 味道比拼

【便利店饿底】想食鲜竹卷?依家任何时候都歎到 7

烧卖A叮完出嚟好结实,而且外皮好易变乾,口感似食紧小石仔,无咩咬口,味道都只属一般。

【便利店饿底】想食鲜竹卷?依家任何时候都歎到 7

试吓烧卖B,只须用800W家用微波炉叮50秒就可以食得,十分之快手!叮完出嚟嘅烧卖层次分明,又唔会太乾,睇落都几精緻,加埋红萝蔔碎碎特别赏心悦目。而且裏面嘅馅料虽然由四种肉混合成成,不过虾味就相当突出,完全点出返虾肉烧卖嘅精髓。而且入口烟韧,好有咬口。

【便利店饿底】想食鲜竹卷?依家任何时候都歎到 7

而烧卖C叮完出嚟之后係无之前嗰款咁硬,不过睇落好油,如果以虾肉烧卖而论,就有啲唔到题啦,事关食落去似食猪肉烧卖多过虾肉烧卖咁,一啲虾味都无,质地都有啲嚡。

【便利店饿底】想食鲜竹卷?依家任何时候都歎到 7

所以今次便利店叮叮虾肉烧卖比併,绝对係烧卖B —— 7-SIGNATURE 嘅虾肉烧卖获胜!

销售点:全线7-Eleven

售价:虾肉烧卖 $12/6粒

【便利店饿底】叉烧肠粉、鸡丝粉卷、潮州粉果新嚟报到 7-Eleven自家品牌点心逐个试

上次记者就试完7-Eleven自家品牌7-SIGNATURE嘅翠玉饺,相当有惊喜,所以今次就试埋其他新推出嘅叉烧肠粉、鸡丝粉卷同潮州粉果,一齐睇吓味道究竟係点?

首先试咗潮州粉果先,呢款潮州粉果如果用7-Eleven专用嘅微波炉,只需按3+1,叮40秒;而用800W家用微波炉嘅话,叮50秒就食得,1分钟都唔使,够晒方便。

【便利店饿底】想食鲜竹卷?依家任何时候都歎到 7

拆开包装袋,一盒有三只粉果,份量同出面食嘅都差唔多。而且由于粉果皮好容易黏埋一旧,所以7-SIGNATURE好细心咁用胶兜将佢哋逐只隔开,咁样嘅话就算叮完之后,都唔会黐埋一齐、好难夹开。

【便利店饿底】想食鲜竹卷?依家任何时候都歎到 7

登凳!叮完出嚟之后,发觉个粉果皮比起食开嘅叮叮系列,出奇地坚挺,冇出现倒塌、软冧冧嘅情况,效果相当理想。

【便利店饿底】想食鲜竹卷?依家任何时候都歎到 7

靓嘅潮州粉果重点就在于外皮要够薄够烟韧,馅料当然要够丰富,花生和沙葛就绝对唔少得!切开粉果裏面一睇,呢款叮叮粉果都符合呢两大要求,食落去粉皮好薄好烟韧,加上沙葛、韭菜等,口感爽脆,味道都唔错,完全唔会因为係叮叮点心而有所逊色!

【便利店饿底】想食鲜竹卷?依家任何时候都歎到 7

跟住就到鸡丝粉卷,鸡丝粉卷用7-Eleven专用嘅微波炉,按3+3,叮1分钟,而用800W家用微波炉嘅话,叮1分40秒就食得啦,相比其他点心都係等多十几秒,但点讲都好,绝对叫简单快捷。

【便利店饿底】想食鲜竹卷?依家任何时候都歎到 7

打开包装袋,都係一盒三条,份量都算几足。外皮白雪雪,望落好薄,而裏面嘅馅料都见到胀卜卜,卖相睇落唔错。

【便利店饿底】想食鲜竹卷?依家任何时候都歎到 7

食鸡丝粉卷当然要配豉油啦!鸡丝粉卷叮完出嚟之后,外皮虽然变得比未叮之前薄,但就唔会又穿又烂。食落去外皮仲好嫩滑,值得一讚。

【便利店饿底】想食鲜竹卷?依家任何时候都歎到 7

切开粉卷,可以见到馅料好丰富,有鸡丝、木耳、磨菇等等材料,而且皮薄滑溜,用筷子一夹,都唔会话啲料散到一地都係。入口有香滑嘅鸡肉,配口感爽脆嘅木耳丝,啖啖都好满足,绝对係诚意之作!

【便利店饿底】想食鲜竹卷?依家任何时候都歎到 7

最后食埋试埋新出嘅叉烧肠粉,佢嘅外形比起潮州粉果同鸡丝粉卷都大份一啲,用7-Eleven专用嘅微波炉,按2+3,叮50秒,800W家用微波炉就用1分20秒就搞掂,用嚟做早餐就最好不过,份量啱啱好,食完唔太饱又唔会咁快饿,应该可以挨到去lunch。

【便利店饿底】想食鲜竹卷?依家任何时候都歎到 7

打开入面,一盒都有两条,睇落馅料遍布嘅範围都好平均,以咁嘅价钱嚟讲,性价比高!

【便利店饿底】想食鲜竹卷?依家任何时候都歎到 7

叉烧肠粉叮完出嚟之后,肠粉皮望落去滑溜晶莹,卖相出色。靓嘅叉烧肠粉有两大原则:首先皮唔可以穿,要有弹力,二就係叉烧唔可以硬实实,痴埋一旧。单睇外皮嚟讲,呢款叉烧肠粉已经符合第一个要求。

【便利店饿底】想食鲜竹卷?依家任何时候都歎到 7

至于叉烧馅料方面,都好细心切到指甲咁嘅大细,啖啖都係肉。用筷子轻轻夹开,都唔见叉烧好硬实实,配埋豉油蘸住嚟食,宁捨特别香口入味!

【便利店饿底】想食鲜竹卷?依家任何时候都歎到 7

总括嚟讲,呢三款叮叮点心,出嚟效果都好出色, 值得一讚係馅料切得细细,就算畀小朋友、老人家食都唔怕佢哋难咬。叮分几钟就食得,无论係便利店,定係屋企,想几时食就食得,简简单单就已经好滋味!

【便利店饿底】想食鲜竹卷?依家任何时候都歎到 7

【便利店饿底】想食鲜竹卷?依家任何时候都歎到 7

销售点:全线7-Eleven

售价:

潮州粉果 $12

鸡丝粉卷 $16

叉烧肠粉 $16

【便利店饿底】想食点心几时都得 7-Eleven翠玉饺率先开箱试食

7-Eleven嘅自家品牌7-SIGNATURE最近就新推出点心系列,分别有翠玉饺、叉烧肠粉、粉果、鸡丝粉卷等等多款选择,只要剪开包装一角,再放入微波炉叮一叮就食得,既然係新产品,记者当然要首先即刻开箱试食新出嘅翠玉饺,睇吓佢有几得先?

【便利店饿底】想食鲜竹卷?依家任何时候都歎到 7

打开内包装袋,一盒内有三只翠玉饺,份量同平时酒楼见到嘅一盅三只差唔多,不过等嘅时间就肯定短过喺酒楼食嘅好多,因为只要用7-Eleven嘅微波炉叮40秒就食得,够晒方便快捷。如果想买返屋企或者公司,只要用800W的微波炉叮1分20秒就可以食得,做法咁简单,用嚟当早餐或者宵夜都一流!

【便利店饿底】想食鲜竹卷?依家任何时候都歎到 7

每只翠玉饺外形都相当靓仔,唔会话因爲急冻嘢就扁晒,或者硬到石头咁。叮完出嚟嘅翠玉饺,都唔见有缩水嘅状况,而且外皮嘅皱摺都好分明,唔会变咗一嚿麵糰咁,以急冻嘢食嚟讲,都算係高质!

【便利店饿底】想食鲜竹卷?依家任何时候都歎到 7

翠玉饺馅料分别有猪肉、清水笋丝、红萝蔔、菇片等,一粒里面塞到胀卜卜,材料都相当丰富!以$16呢个价钱睇,都叫交到功课,诚意十足。

【便利店饿底】想食鲜竹卷?依家任何时候都歎到 7

试食完之后,呢款翠玉饺嘅优点係好快就食得,而且入口keep住热辣辣,最啱赶时间又想饱肚嘅打工一族!而最值得一讚嘅係,翠玉饺个外皮做得好薄之余,叮完之后又唔会乾争争。翠玉饺咬落去都好爽口,唔会食到软腍腍一堆粉咁。猪肉馅料加上胡椒粉同芝麻油,够香之余,又少少辣辣地调味,相当过瘾。

销售点:全线7-Eleven

翠玉饺售价:$16

随机文章

如何才能成为成功的公关人?Facebook公关副总裁传授8心
如何才能成为成功的公关人?Facebook公关副总裁传授8心
People are silhouetted as they pose with mobile de
如何才能把辞职信写得有情怀?
如何才能把辞职信写得有情怀?
4月14日一早,一封辞职信引发热评,辞职的理由仅有10个字:世界那幺大,我想去看看。作者是一名女心理
如何才能拍摄好星空星空拍摄的技巧和心得
如何才能拍摄好星空星空拍摄的技巧和心得
进入数码时代,由于受制于数码技术限制,长时间曝光造成ccd/cmos发热,产生大量的热噪点,超过10
如何才能睡个好觉?记住这些要点
如何才能睡个好觉?记住这些要点
一项调研显示,成年人一年内的失眠患病率高达57%。一方面,不少人饱受失眠的痛苦;另一方面,不少人却经
如何才能追到校花?「其实……不用追」
如何才能追到校花?「其实……不用追」
每年固定的老同学聚会中,大家交换着彼此近况,忽然家豪那角落兴起惊呼声,原来是刚毅的他準备要结婚了,
如何打开Youtube视频的中文字幕和加快速度观看视频(图文
如何打开Youtube视频的中文字幕和加快速度观看视频(图文
文章目录[隐藏]电脑网页版Youtube打开中文字幕和加快速度观看视频Youtube手机APP打开中